وف لحظة افتكرت انى فى الواحات اتصلت ببعض اصحابى ولمينا بعض وخدنا المطلوب غﻻي وكوبايتين وباكو شاى وشوية سكر وشوية حطب وطلعنا بعيد عن التمدن والعمران وفضلنا ماشيين فى الصحرا على الرمل اﻻصفر البارد.
وبعد ما نور البلد غاب واختفى واسودت الدنيا قعدنا ولمينا الحطب فوق بعضه وولعنا فيه النار وفى الهوى العليل والليل الطويل والرمل البارد والجو الجميل نسينا الحر وغباوتة وهبت نسمة عالوشوش فاقت نستنا الدنيا وهمومها ولمتنا مئنسانا وضحكة من القلب صافية بتغسل الهم جوانا وخدنا الكﻻم والضحك وكوباية الشاى اللى دخان الحطب معطرها تتمنى متخلصش . بس يا خسارة الوقت الحلو بيعدى منحسش بيه وفى لحظة الوقت يعدى وتخلص رحلة الشاى .ونرجع تانى للدنيا بس معلش تتعوض طول ماحنا عايشين والصحرا والرمل حوالينا ﻻزم نرجع تانى لكوباية شاى مدخنة ومضبوطة تعدل المزاج . لو رحت تانى هقولوكم ولو منسيتش ابقى اجيب شوية صور للواحات البحرية المرة الجاية.
0 التعليقات:
Post a Comment